江澤民 kfc
江澤民 kfc
如假包換嘅國家前主席江澤民，同「 KFC江澤民」真係有九成似。
又到 10月，全城哈佬喂！老江選擇喺呢個時候喺北京蒲頭，想用行動去粉碎「大江西去」呢個傳聞。之但係亞視新聞嘅公信力一向好高㗎喎，觀眾突然喺電視直播度見到老江復活，好多人一時間都覺得思緒好混亂，唔知眼前嘅老江究竟係人定係鬼，仲質疑自己睇緊嘅係新聞定係鬼古，都咪話唔恐怖！
網友戲稱 俾人捉做替身
江澤民 kfc
「 KFC江澤民」早就喺網絡瘋傳，前日老江再蒲頭，令呢位幾可亂真嘅山寨版再次紅爆。
強國人民崛起，令到世界上再冇任何事係不可能。死後復活，定係用替身出鏡，種種傳聞反正都有人信啦。有網民就懷疑眼前呢位老江，其實係中共安排嘅替身。嗱！咁講都未必係冇可能。皆因人有相似，話晒強國山寨貨無分種類，要幾真有幾真，話唔定全中國有好多個翻版江澤民。大家仲記唔記得，喺亞視新聞 7月報道大江西去之後，就即刻有網民 post咗相張，話自己啱啱係快餐店 KFC見到個老翻江澤民。
老江復活 亞視即死網頁
江澤民 kfc
江澤民翻生，亞視網上新聞卻「死機」。
張相嗰排喺網上瘋傳，直至前日老江喺北京現身，又有網民將 KFC江澤民舊事重提，再次廣傳呢張可能係國家機密嘅相片。花生友話，相中阿伯唔知會唔會食食吓 KFC，俾強國國安捉咗去北上做替身？有網民就建議，請 KFC江澤民去拍建黨建國大片，勝在唔使化妝！
講開早排誤報老江死訊嘅亞視，主要投資者王征前日都喺北京現場見到江澤民，唔知當時有乜感想。不過世事真係好邪，呢鋪江澤民唔死，輪到亞視新聞部個網站死咗。網頁喺老江翻生同日，無啦啦 down咗；門口貼咗張「抱歉，因系統故障，現正在搶修當中」告示出嚟。亞視公關部強調，呢個係「純粹技術問題」，與該台早前誤報江嘅死訊無關。
搶修一輪後，亞視新聞部個網頁噚日局部回復正常。不過呢，部份昔日新聞同評論就仍然無法提供，公司話估計要等到 10月 12日，即係聽日，先有可能恢復正常喎。昔日新聞出現故障，咁唔知當亞視整番好個網頁之後，會唔會抽起咗當日誤播老江死訊嘅舊報道呢？
江澤民 kfc
引用自：江澤民翻生 山寨民翻紅
江澤民 kfc 影片
影片：江澤民 kfc@熱搜網
